មុខងារ CarPlay ក៏មិនខុសគ្នាអ្វីខ្លាំងណាស់ដែរជាមួយនឹងមុខងារ Google Auto ដែលត្រៀមនឹងបំពាក់នៅលើរថយន្តស៊េរីថ្មីៗ ត្រៀមនឹងចេញនារយៈពេលប៉ុន្មានឆ្នាំខាងមុខដោយមុខងារ CarPlay របស់ Apple នេះនឹងធ្វើអោយការបើកបររថយន្តរបស់យើងទាំងអស់គ្នាកាន់តែមានភាពងាយស្រួលឡើង ទំនើប ជាមួយនឹងមុខងារផ្សេងៗដូចជា ការចាក់តន្ត្រី មើលផែនទី ប្រើប្រាស់ Siri ផ្ញើរសារជាដើម ដោយតម្រូវអោយរថយន្តនោះភ្ជាប់ទៅជាមួយនឹង iPhone ដើម្បីដំណើរការមុខងារ CarPlay បាន។
មុខងារដ៏ទំនើប CarPlay របស់ Apple ដែលត្រៀមនឹងតម្លើងនៅលើរថយន្តស៊េរីថ្មីៗនោះបានចាប់ផ្ដើមតាំងពីឆ្នាំ 2013 មកម៉្លេះ ដោយមានក្រុមហ៊ុនផលិតរថយន្តជាដៃគូសហការណ៍ចំនួន 4 ប៉ុណ្ណោះគឺ NISSAN, KIA, VOLVO, TOYOTA, SUZUKI, MITSUBISHI, CHEVLET និង Hundai ក៏ប៉ុន្តែកាលនោះមុខងារនេះមិនទាន់បានប្រកាសឈ្មោះជាផ្លូវការថា CarPlay នោះទេ។ បន្ទាប់មកទៀតមកដល់ដើមឆ្នាំ 2014 មានក្រុមហ៊ុនផលិតរថយន្តធំៗជាច្រើនទៀតបានចូលដៃសហការណ៍គ្នាជាមួយ Apple បន្ថែមទៀតដោយរួមមានដូចជា FERRARI, MERCEDES, JAGUAR, ALFA ROMEO, BMW និងផ្សេងទៀត រហូតមកទល់នឹងពាក់កណ្ដាលឆ្នាំ 2014 នេះ Apple បានទទួលការចូលរួមសហការណ៍ជាមួយក្រុមហ៊ុនធំៗ 9 ទៀតដើម្បីពង្រីកវិសាលភាពរបស់មុខងារ CarPlay ដូចជា AUDI, JEEP, DOGE, CHRYSLER, FIAT, MAZDA, ALFA ROMERO, ALBERTH និង RAM ដែលសុទ្ធសឹងជាក្រុមហ៊ុនផលិតរថយន្តល្បីៗប្រចាំសកលលោកយើងនេះ។
សរុបសេចក្ដីមកចាប់តាំងពីឆ្នាំ 2013 រហូតមកដល់ពាក់កណ្ដាលឆ្នាំ 2014 នេះ Apple បានចូលរួមធ្វើកិច្ចសហការណ៍ជាមួយក្រុមហ៊ុនរថយន្តបានទាំងអស់ 24 ក្រុមហ៊ុនហើយ ដែលសុទ្ធសឹងជាក្រុមហ៊ុនល្បីៗ ក្នុងនោះក្រុមហ៊ុន Audi និង Huyundai នឹងត្រៀមបញ្ចេញរថយន្តទំនើបរបស់ខ្លួនប្រចាំឆ្នាំ 2015 បំពាក់មកជាមួយមុខងារ CarPlay របស់ Apple ជាលើកដំបូង។ សម្រាប់មុខងារ Google Auto វិញក៏នឹងត្រៀមខ្លួនរួចជាស្រេច ដើម្បីប្រកួតប្រជែងជាមួយមុខងារ CarPlay ដូច្នេះក្នុងរយៈពេល 1 ឆ្នាំទៅ 2 ឆ្នាំខាងមុខទៀតយើងនឹងឃើញការប្រកួតប្រជែងយ៉ាងស្វិតស្វាញបំផុតរវាងមុខងារ CarPlay និង Google Auto។ ចុះសម្រាប់ប្រិយមិត្តទាំងអស់វិញ តើគិតថា CarPlay និង Google Auto មួយណានឹងទទួលបានប្រជាប្រិយភាពជាងគេ?
No comments:
Post a Comment