មិនទាន់បាន ១០ ម៉ោងផងបទថ្មីរបស់ PSY មានគេទស្សនាច្រើនជាង ១ លានដងបាត់ទៅហើយ (វីដេអូខាងក្នុង)

PSY បានដាក់ម៉ោង រាប់ថយក្រោយ នៃការចេញបទថ្មី អស់រយៈពេល ៣ ថ្ងៃទៅហើយ ដែលថ្ងៃ នេះគឺជាថ្ងៃ ចុងក្រោយហើយ បទថ្មីរបស់ PSY ក៏ចេញមកជា ផ្លូវការផងដែរ ដែលមានការចូលរួម ដោយតារាល្បី Snoop Dogg ផងដែរ ។

" Hangover " បទថ្មីមួយនេះ មានចង្វាក់កន្ត្រាក់ អារម្មណ៍ដែលគេហៅថា Hip Hop ឬ Trap ។ងាក ទៅមើលវីដេអូវិញ PSY មិនចោលវីដេអូ បែបកំប្លែង របស់ខ្លួនឡើយ ដោយក្នុងបទនេះ ផ្តោតទៅ លើភាពកំប្លែង និងភ្លេងជាងការច្រៀង ។ វីដេអូនេះ ទើបតែចេញមិនទាន់បាន ១០ ម៉ោងមានអ្នក ចូលទស្សនាបាន ១.៧ លានដងទៅហើយ ក៏កំពុងបន្តផងដែរ ។ យ៉ាងណាមិញ PSY ក៏បានប្រាប់ អំពីបទថ្មី មួយទៀតផងដែរ ដែលមានចំណងជើងថា " Daddy " ដែលនឹងចេញ ក្នុងពេលឆាប់ៗ នេះហើយ ៕